ພາບລວມ

ສະຖານບັນ ເຕັກໂນໂລຊີ ສຸດສະກະ ເລັງເຫັນຄວາມຈຳເປັນໃນການສ້າງ ຫຼັກສູດປະລິນຍາຕີວິທະຍາສາດຄອມພິວເຕີ ສາຂາການສ້າງໂປຣແກຣມຄອມພິວເຕີ ເພື່ອໃຊ້ເປັນບ່ອນສິດສອນພະນັກງານ ແລະ ນັກສຶກສາ ໂດຍໃຫ້ນັກສຶກສາຮຽນຮູ້ ແລະ ເພີ່ມພູນຄວາມຮູ້ ຄວາມສາມາດທາງດ້ານ ການສ້າງໂປຣແກຣມຄອມພິວເຕີ ຊຶ່ງຈະເປັນເຄື່ອງມືໃນການປະກອບອາຊີບ ໂດຍນັກສຶກສາທີ່ຈົບແລ້ວສາມາດເຮັດວຽກໄດ້ທັນທີ ໂດຍບໍ່ຕ້ອງໄດ້ມີການຝຶກອົບຮົມເພີ່ມ. ການຮຽນແມ່ນເນັ້ນພາກປະຕິບັດຕົວຈິງ ເຊິ່ງເປັນໄປຕາມຄວາມຕ້ອງການຂອງຕະຫຼາດແຮງງານທີ່ມີຢູ່ໃນປະຈຸບັນ. ນັກສຶກສາສາມາດລົງເລິກຂະແໜງ ການທີ່ຕົນສົນໃຈໄດ້ ໃນການຄົ້ນຄວ້າຂຽນບົດຈົບຊັ້ນ ເຊິ່ງຈະມີການພັດທະນາໂປຣແກຣມ, ການສ້າງເວັບໄຊ້, ການອອກແບບຮູບກຣາບຟິກ, ການປະມວນຜົນຮູບພາບ ແລະ ການສ້າງແອບພລີເຄຊັ້ນໃນລະບົບປະຕິບັດການແອນດຣອຍເປັນຕົ້ນ.

ສິ່ງທີ່ນັກສຶກສາຈະໄດ້ຮັບຫຼັງຈາກຈົບການສຶກສາ:

• ອະທິບາຍ ທິດສະດີ, ຫຼັກການ ແລະ ແນວຄວາມຄິດດ້ານສະຖາປັດຕະຍະກໍາທາງຄອມພິວເຕີ, ການອອກແບບ ແລະ ການພັດທະນາເຕັກໂນໂລຊີ;
• ໄຈ້ແຍກບັນຫາ ແລະ ສິ່ງທ້າທາຍໃນການວິເຄາະ, ການອອກແບບລະບົບ, ການພັດທະນາໂປຣແກຣມ, ການສ້າງເວັບໄຊ້, ການອອກແບບຮູບກຣາບຟິກ, ການປະມວນຜົນຮູບພາບດິຈິຕອນ, ການສ້າງແອບພລີເຄຊັ້ນໃນລະບົບປະຕິບັດການແອນດຣອຍ ແລະ ການຈັດການລະບົບຖານຂໍ້ມູນ;
• ຜັນຂະຫຍາຍທັກສະທາງດ້ານສະຖາປັດຕະຍະກໍາຄອມພິວເຕີ, ເຕັກໂນໂລຊີໃນການອອກແບບ, ການສ້າງໂປຣແກຣມ, ການສ້າງເວບໄຊ້, ການອອກແບບຮູບກາບຟິກ, ການປະມວນຜົນຮູບພາບດິຈິຕອນ, ການສ້າງແອບພິເຄຊັ້ນໃນລະບົບປະຕິບັດງານແອນດອຍ, ການຈັດການລະບົບຖານຂໍ້ມູນ, ພາສາຕ່າງປະເທດ ຢ່າງມືອາຊີບ;
• ຄົ້ນຄິດນະວັດຕະກໍາທາງດ້ານຄອມພິວເຕີ ແລະ ເຕັກໂນໂລຊີຂໍ້ມູນຂ່າວສານຕ່າງໆທີ່ກ່ຽວຂ້ອງທີ່ມີປະສິດທິພາບ, ຄຸນນະພາບ ແລະ ທັນສະໄໝ;
• ນໍາໃຊ້ ທິດສະດີ, ອຸປະກອນ ແລະ ເຄື່ອງມືທາງດ້ານການພັດທະນາໂປຣແກຣມຄອມພິວເຕີທີ່ທັນສະໄໝເຂົ້າໃນການປະຕິບັດວຽກງານຕົວຈິງ;
• ສ້າງໂປຣແກຣມ, ເວັບໄຊ້, ແອບພລີເຄຊັ້ນໃນລະບົບປະຕິບັດການແອນດຣອຍ, ອອກແບບຮູບກຣາບຟິກ, ການປະມວນຜົນຮູບພາບດິຈິຕອນ ແລະ ຈັດການລະບົບຖານຂໍ້ມູນ;
• ຄວບຄຸມວຽກງານທາງດ້ານການພັດທະນາໂປຣແກຣມຄອມພິວເຕີຂອງອົງການ, ສັງຄົມ, ທັງພາຍໃນ, ພາກພື້ນ ແລະ ສາກົນ;
• ພັດທະນາທັກສະຄວາມເປັນຜູ້ນໍາ ແລະ ການເຮັດວຽກເປັນໝູ່ຄະນະເຂົ້າໃນການປະຕິບັດວຽກງານ ແລະ ການແກ້ໄຂບັນຫາຕົວຈິງຢ່າງມີປະສິດທິພາບ;
• ຜັນຂະຫຍາຍທັກສະ ແລະ ຫຼັກການຮຽນຮູ້ຕະຫຼອດຊີວິດ ເຂົ້າໃນການດໍາລົງຊີວິດ ແລະ ການປະຕິບັດວຽກງານ.

ການຮຽນ-ການສອນ:

ໜ່ວຍກິດ:

• ວິຊາຄວາມຮູ້ພື້ນຖານ 16 ໜ່ວຍກິດ
• ວິຊາຫຼັກ 44 ໜ່ວຍກິດ
• ວິຊາຫຼັກກ່ຽວກັບວິສະວະກໍາຊອບແວ 72 ໜ່ວຍກິດ
• ວິຊາເລືອກ 3 ໜ່ວຍກິດ
• ການຝຶກງານຕົວຈິງ ແລະ ຂຽນບົດຄົ້ນຄ້ວາຈົບຊັ້ນ 9 ໜ່ວຍກິດ
• ທັງໝົດ 144 ໜ່ວຍກິດ