ຫລັກສູດປະລິນຍາຕີບໍລິຫານທຸລະກິດ ສາຂາເຕັກໂນໂລຊີຂໍ້ມູນຂ່າວສານທາງທຸລະກິດ

ພາບລວມ

ຫຼັກສູດປະລິນຍາຕີບໍລິຫານທຸລະກິດ ສາຂາເຕັກໂນໂລຊີຂໍ້ມູນຂ່າວສານທາງທຸລະກິດ ເຊິ່ງເປັນໜຶ່ງໃນຂະແໜງການທີ່ສຳຄັນ ຂອງສະຖາບັນ ແລະ ກໍເປັນຂະແໜງການທີ່ຕ້ອງການຂອງຕະຫຼາດແຮງງານ. ປັດຈຸບັນນີ້ ຫົວໜ່ວຍທຸລະກິດພາກລັດ ແລະ ເອກະຊົນໄດ້ຂະຫຍາຍຕົວຢ່າງວ່ອງໄວພ້ອມດຽວກັນນັ້ນ ການເຮັດທຸລະກິດຄ້າຂາຍລະຫວ່າງບໍລິສັດພາຍໃນກັບຕ່າງປະເທດ ແລະ ການລົງທຶນຂອງຕ່າງປະເທດໃນ ສປປ ລາວ ກໍມີການພັດທະນາຢ່າງຕັ້ງໜ້າ ຊຶ່ງພາໃຫ້ມີຄວາມຕ້ອງການຄວາມຮູ້ທາງດ້ານການບໍລິຫານທູລະກິດຫຼາຍຂຶ້ນ ບໍ່ວ່າຈະເປັນ ຄວາມຮູ້ທາງການນໍາໃຊ້ເຕັກໂນໂລຊີເຂົ້້າຊ່ວຍດ້ານການຕະຫຼາດ, ການບໍລິຫານອົງການ, ການບໍລິຫານບຸກຄະລາກອນ, ການບໍລິຫານທາງດ້ານການເງິນ-ການລົງທຶນ, ແລະ ການບໍລິຫານການຜະລິດທີ່ນໍາໃຊ້ເຕັກໂນໂລຊີເຂົ້າມາຊ່ວຍໃນການດໍາເນີນທຸລະກິດເປັນຕົ້ນ.

ສິ່ງທີ່ນັກສຶກສາຈະໄດ້ຮັບຫຼັງຈາກຈົບການສຶກສາ:

• ອະທິບາຍທິດສະດີ, ຫຼັກການບໍລິຫານ ແລະ ລະບົບການຄຸ້ມຄອງໄດ້ຢ່າງເໝາະສົມ ແລະ ສອດຄ່ອງກັບສະພາບແວດລ້ອມເສດຖະກິດ-ສັງຄົມ;
• ໄຈ້ແຍກບັນຫາ ແລະ ສິ່ງທ້າທາຍໃນການບໍລິຫານທຸລະກິດ, ການເງິນ ແລະ ການປ່ຽນແປງຂອງລະບົບເຕັກໂນໂລຊີຂໍ້ມູນຂ່າວສານທາງທຸລະກິດ ແລະ ການຕັດສິນໃຈແກ້ໄຂບັນຫາໄດ້ຢ່າງມີປະສິດທິພາບ;
• ວິເຄາະ ແລະ ບໍລິຫານກິດຈະການໃຫ້ທັນກັບຍຸກສະໄໝ ໄດ້ຢ່າງມືອາຊີບ;
• ວິເຄາະການຕະຫຼາດ, ວິເຄາະງົບການເງິນ ແລະ ການເຂົ້າຫາແຫຼ່ງທຶນເພື່ອການບໍລິຫານທຸລະກິດໄດ້ຢ່າງເໝາະສົ;
• ຄຸ້ມຄອງບໍລິຫານວຽກງານການຜະລິດ-ການບໍລິການ ແລະ ນໍາໃຊ້ເຕັກໂນໂລຊີຂໍ້ມູນຂ່າວສານເຂົ້າໃນວຽກງານການບໍລິຫານກິດຈະການໄດ້ຢ່າງຄ່ອງແຄ້ວ;
• ວາງແຜນການບໍລິຫານທຸລະກິດ ແລະ ການເງິນໄດ້ຢ່າງເໝາະສົມ ແລະ ສອດຄ່ອງກັບການປ່ຽນແປງຂອງສະພາບເສດຖະກິດ-ສັງຄົມໃຫ້ທັນກັບຍຸກສະໄໝ;
• ໃຫ້ຄໍາປຶກສາກ່ຽວກັບວຽກງານການບໍລິການກິດຈະການ ບົນພື້ນຖານການມີຈັນຍາບັນທາງດ້ານວິຊາຊີບ ແລະ ຫຼັກການປະຕິບັດທີ່ມີຄວາມຮັບຜິດຊອບສູງຕໍ່ໜ້າທີ່ວຽກງານ ແລະ ສັງຄົມ;
• - ພັດທະນາທັກສະຄວາມເປັນຜູ້ນໍາ, ການພົວພັນ-ສື່ສານ ແລະ ການເຮັດວຽກເປັນໝູ່ຄະນະເຂົ້າໃນການປະຕິບັດວຽກງານ ແລະ ການແກ້ໄຂບັນຫາຕົວຈິງຢ່າງມີປະສິດທິພາບ, ຜັນຂະຫຍາຍທັກສະ ແລະ ຫຼັກການຮຽນຮູ້ຕະຫຼອດຊີວິດ ເຂົ້າໃນການດໍາລົງຊີວິດ ແລະ ການປະຕິບັດວຽກງານ;

ການຮຽນ-ການສອນ:

ໜ່ວຍກິດ:

• ວິຊາຄວາມຮູ້ພື້ນຖານ 17 ໜ່ວຍກິດ
• ວິຊາຫຼັກ 39 ໜ່ວຍກິດ
• ວິຊາຫຼັກກ່ຽວກັບບໍລິຫານ 72 ໜ່ວຍກິດ
• ວິຊາເລືອກ 3 ໜ່ວຍກິດ
• ການຝຶກງານຕົວຈິງ ແລະ ຂຽນບົດຄົ້ນຄ້ວາຈົບຊັ້ນ 9 ໜ່ວຍກິດ
• ທັງໝົດ 131 ໜ່ວຍກິດ